Nýr miðill með sterkar tengingar meðal annars ósjálfráða skrift og er fyrsta tilraun hér að neðan en hún hefur bundið fyrir augun á meðan.
Það sem við þurfum að gera er ósköp einfalt, það þarf bara að koma fólki í skilning um að þau hafa sjálf orku til að ná hærra og ofar en þau geta ímyndað sér.
Við höfum verið að reyna að ná til fólks og stöðugt fleiri eru að opna sig og meðtaka skilaboðin. Ef þér finnst þú vera öðruvísi ef þú getur opnað þig í draumi eða á einhverjum tíma þá geturðu það alltaf. Þú ferð í gegnum dyrnar og þá er ekki aftur snúið. Þú vilt upplifa meira, þyrstir í stærri og betri heim.
Meiri orku og meiri kærleika. Það eru allir að gleyma sér í sjónvarpi og öðrum hlutum sem gleypa tímann og vita ekki að tíminn er ekki endalaus. En sem betur fer hefur kallið náð til margra og orkubrautirnar eru að opnast og þær eru orðnar fleiri og stærri en var. Sífellt fleiri flykkjast í píramída hugans til að finna ljósið sem þar býr.
Allir hafa tækifæri til að kynnast þessu en ekki allir hlusta eða sjá og eru móttækilegir á þeim tímapunkti sem er núna. Ég segi ykkur að fara vel með tímann ykkar og notið hann til að hjálpa sjálfum ykkur og öðrum. Hafirðu fundið hita í höndum þínum, finnist þér þú skilja hvernig öðrum líður og hefur á tilfinningunni með marga hluti og hefur rétt fyrir þér þá ættirðu að halda áfram að virkja þessa braut.
Biddu um hjálp og hjálpin mun berast ef þú sannarlega trúir í eignlægni á það sem þú ert að biðja um. Smátt og smátt opnast fyrir skilningarvit sem þér eru ekki sjáanleg en eru þó sannarlega hér.
Margir vita þetta. Draumar eru óútskýrðir finnst mörgum en við höfum svörin við þeim og mörgu öðru sem. Tíðni fólks er að hækka og það auðveldar samskipti við okkur ég birtist síðast hér nítján hundruð og fjörtíu í gegnum mann sem skilaði boðum frá mér á ákveðinn hátt í gegnum drauma sína.
Nú hef ég komið aftur því tíminn er kominn til að halda áfram að segja ykkur frá. Ég veit að það er svo mikill hraði í þjóðfélögum ykkar í dag að það er erfitt að skynja í gegnum hraðann og sjá en þið þurfið að hægja á ykkur og staldra við og skilja hvað er að gerast. Jörðin grætur og það þarf að hjálpa henni og einungis með mikilli heilun og orkuflutningi er hægt að hjálpa plánetunni ykkar að jafna sig á sárunum sem maðurinn hefur veitt henni í gegnum tímanna rás.
Dýrin skilja það en það er ekki nóg. Hugarfarsbreytinga er þörf. Það er gott að hugleiða inn á græna litinn þegar þú ert að hjálpa móður náttúru og biddu móður náttúru um að heila þig og hjálpa þér og farðu út í náttúruna og hugleiddu inn á móður náttúru með dökkgrænum lit. Hún getur heilað mikið og hjálpað ykkur með margt en þið verðið að vilja hjálpa henni líka því hún þarf á því að halda.
Uppi á himnum munið þið sjá tákn sem birtist ljós á himni í dagsbirtu. Þegar þetta tákn birtist verður stutt í að þið sameinist og þörf sé á að opna fyrir orkuflæði slíkt sem þið hafið ekki séð hér fyrr á jörðunni.
Það mun sjást í austri sunnan megin við miðbaug. Ég hef mikla tengingu við Afríku og tel að þar séu margar sálir sem séu tilbúnar að fara þessa leið og hjálpa til hér á jörðu en spillingin er svo mikil og óttinn að þær ná ekki alltaf að vinna með þetta því óttinn truflar svo mikið.
Þið hefðuð þurft að dreifa boðskapnum með hugsanaflutningi en það verður hægt í framtíðinni þegar þið hafið komist lengra á því manneskjan hefur hæfileika til þess en stífnin er svo mikil og trúleysið að það er lokað fyrir svo margt sem ykkur er sannarlega fært að gera.
Þú bíður eftir viðkurenningu frá einhverjum en það þarf ekki, viðurkenndu þig sjálf og það er nóg. Haltu áfram á sömu braut og finndu þér verkefni til að stækka svið þitt meira. Æfðu þig og þú munt komast þangað sem þú ætlar þér að fara. Sestu niður og finndu gula ljósið og leyfðu því að flæða yfir þig og inn í þig því þú þarft á því að halda núna og sendu streitutilfinningar út í burtu, losaðu þær úr þér og biddu um styrk því þú færð hann. Þú þarft ekki að upplifa neikvæðar tilfinningar því þær eru óþarfar en eiga samt svo auðvelt með að koma til þín.
Það mun breytast því þessar jákvæðu munu ná yfirhöndinni alla daga og þú munt ekki þekkja ótta og aðrar tilfinningar sem trufla þig í andlegri vegsemd. Þegar þú borðar mat sem hentar þá áttu auðveldara með að tengjast okkur og við getum auðveldara flætt til þín og í gegnum þig því maturinn getur haft áhrif á þig og líkamann þinn.
( Ég heiti ???? ) og ég ætla að koma hingað til að segja ykkur að það er gott að halda áfram og gott að fara beinan veg inn að orkuljósi þegar maður er týndur og veit ekki hvað maður vill þá skaltu labba eftir silfurbrautinni að stóru orkukúlunni sem lítur út eins og hún sé pláneta með ljósi og þú getur farið þar inn og þar muntu sjá hvaða leiðir eru ákjósanlegar að fara þegar þú ert villtur farðu þá á beinu brautina og haltu áfram að ganga þar til þú sérð orkuna og farðu þar inn. Þér mun verða leiðbeint og vertu dugleg að fara eftir leiðsögn og hlusta á skilaboðin sem við færum þér og vertu dugleg að punkta þau hjá þér því þú átt það svo til að gleyma.
Taktu líka eftir þegar við bendum þér á hluti sem þú vekur meiri eftirtekt en aðra hluti því þannig getum við átt samskipti við þig helst þegar þú ert ekki aðhlusta á hvað við höfum að segja í amstri dagsins.
Góðar stundir og sýnið hvort öðru umhyggju og velvilja.
Þór Gunnlaugsson
Heilunar og transmiðill
Er einnig á lækningasviðinu
____________________________________________________
Þetta getur ekki orðið einfaldara að hafa samband við mig. .
