þriðjudagur, 28. ágúst 2018

SPÁDÓMARNIR UM ÍSLAND

HÖFUNDUR TEXTA Sigmundur Freyr.

Skömmu fyrir upphaf seinni heimsstyrjaldarinnar vöktu kenningar enska pýramídafræðingsins Adams Ruther¬fords verulega athygli hér á landi. Dr. Adam Rutherford hafði stundað nákvæmar rannsóknir á Pýramídanum mikla við Giza í Egyptalandi.

Líkt og flestir pýramídafræðingar þessa tíma hélt Rutherford því fram að Pýramídinn mikli væri spádómsverk, greypt í stein. Hið forna arabíska Akbar-Ezzeman-handrit staðfestir þessa skoðun.

Í handritinu segir:

„Hann [þ.e. Pýramídinn mikli] hefir í sér fólgna spekina og kunnáttuna í ýmislegum listum og vísindum, í talnafræði og landmælingafræði, svo að þær geti geymst sem skýrslur til gagnsmuna fyrir þá er síðar meir geta skilið þær afstöðu stjarnanna og umferð þeirra, ásamt sögu og annálum frá liðnum tíma og þeim tímum er koma eiga.“ Rutherford taldi Pýramídann mikla skýra frá rúmfræðilegri hnattstöðu Íslands og benda með táknum á ætlunarverk Íslands viðvíkjandi undirbúningi nýskipanar heimsins sem hann tryði að væri í vændum.

Árið 1937 gaf hann út í Bretlandi litla bók sem bar titilinn Hin mikla arfleifð Íslands. Í formála, sem hann reit fyrir kverinu, segir: „Ísland er eitt af merkilegustu löndum heimsins, og blöðin, sem hér fara á eftir, hafa að innihaldi sönnun þess, að þessari litlu þjóð, Íslendingum, sé ætlað að leysa af hendi undursamlegt og göfugt hlutverk við fyrirhugaða stórviðburði í náinni framtíð. Höfundurinn er sannfærður um, að þetta mikla ætlunarverk Íslendinga muni verða til blessunar, eigi aðeins fyrir Íslendinga sjálfa, heldur og fyrir frændþjóðir þeirra, Norðurlandabúa, Engilsaxa og Kelta.

Ég vil óska þess, að bæklingur þessi megi verða að nokkru gagni í því að hjálpa til að búa Íslendinga undir það taka við hinni miklu arfleifð sinni.“ Mikilvægi hins útvalda Íslands Í þessu smáriti er að finna tvo spádóma um Ísland og íslensku þjóðina.

Fyrri spádómurinn segir frá því að árið 1941 muni Íslendingar öðlast fullkomið stjórnmálalegt frelsi. Samkvæmt sambandslögunum við Danmörku höfðu Íslendingar ekki lagalegan rétt til þess fyrr en tveimur árum síðar og þótti því flestum ólíklegt að þessi spádómur rættist. Hernám Danmerkur í seinni heimsstyrjöldinni varð hins vegar til að breyta þessu.

Vorið 1941 var samþykkt á Alþingi þingsályktunartillaga sem gerði Ísland í raun að óháðu ríki. Sveinn Björnsson, síðar forseti, var kosinn ríkisstjóri og Bretar og Bandaríkjamenn viðurkenndu Ísland sem sjálfstætt ríki. Spádómurinn hafði komið fram.

Seinni spádómurinn á að gerast í ragnarökum núverandi menningar. Ísland verður eins og ljósdepill í myrkvuðum heimi og þá „munu Íslendingar taka sér fyrir hendur viðfangsefni sem mikla blessun munu hafa í för með sér fyrir allt mannkynið“. Rutherford trúði því að á Íslandi kæmi fram andleg hreyfing er breiddist út meðal þjóða heims. Íslendingar mundu vísa mannkyninu inn í nýtt tímabil sögu þess.

Um þetta göfuga hlutverk íslensku þjóðarinnar segir hann meðal annars: „Nú á dögum eiga sér stað miklar hreyfingar, en Ísland á bráðum, undir handleiðslu guðs, að hefja hina mestu andlegu hreyfingu vorrar aldar, þá hreyfingu, sem mun leiða allar þjóðir Bretlands og Norðurlanda inn í nýtt tímabil í sögu þeirra. Það, sem því liggur nú rakleitt fram undan, er að Ísland nái skjótt andlegum yfirráðum, og áhrif þess munu, eins og stór viti, smám saman uppljóma hið mikla Bretaveldi og byrja á Skotlandi. Látum oss því biðja þess, að guð hraði komu þess dags, er Ísland á að verða kallað Eyjan helga og Íslendingar Þjóðin helga.

Látum alla, sem skilja, hve mikils¬varðandi þessi dásamlega köllun er, gjöra allt, sem þeir geta, Íslandi til upphafningar. Því að hinar voldugu engilsaxnesku þjóðir geta ekki til fulls tekið við arfleifð sinni, né heldur getur heimurinn gengið inn í blessunaröldina, sem hann á í vændum, fyrr en Ísland er undirbúið og komið inn á sjónarsviðið í skærum ljóma sem fyrirrennari hinnar dýrlegu, nýju aldar

“ Endurkoma Jesú Krists á Íslandi Dr. Adam Rutherford trúði því að Íslendingar en ekki gyðingar væru guðs útvalda þjóð.

Í Matteusarguðspjalli segir Jesú Kristur við gyðinga: „Guðs ríki verður frá yður tekið og gefið þeirri þjóð, sem ber ávexti þess.“

Í samræmi við þessi orð var Rutherford sannfærður um að endurkoma Jesú Krists yrði á Íslandi. Þessu til staðfestingar vísar hann til tveggja spádóma i Jesajabók Gamla testamentisins og á sérstakan leiðarvísi í suðausturhorni Pýramídans mikla sem bendir á Ísland.

Þessi leiðarvísir var fyrst uppgötvaður árið 1925 en fram að þeim tíma var aðeins vitað um einn leiðarvísi, svonefndan Betlehemsgeisla, sem talið er að vísi á fæðingarstað Jesú Krists.

Um þessa leiðarvísa Pýramídans mikla farast Texti: GUÐMUNDUR SIGURFREYR JÓNASSON Fornir spádómar Pýramídans mikla, Jesajabók Gamla testamentisins, kínverskar launsagnir og Nostradamus eiga það sameiginlegt að spá því að Íslendingar verði boðberar nýrrar og gjörbreyttrar heimsmyndar.

Árið 2008 fóru þeir með mig heim til Nostradamusar og átti ég gott spjall við hann um leyndardóma lifs og sálar.

____________________________________________________

Farið inn á Gestabók, farið neðst á síðuna og skrifið ósk ykkar um að ég leiti eftir svörum við spurningum ykkar frá vinum okkar að handan.

Þetta getur ekki orðið einfaldara að hafa samband við mig. .


GESTABÓK.