þriðjudagur, 8. mars 2016

6. Kafli. Leiðin að endastað og uppsprettu hins eilífa vors.

Leiðin að settu marki er grýtt með ferköntuðum steinum áletruðum sem hver og einn verður að leysa áður en lengra er haldið, ekki gengur að krækja fyrir þá og stytta sér leiðina að bláu tjörninni þar sem uppspretta kraftsins og lífsgæðanna er, og þar er farið í bað sem veldur því að hver einasta fruma líkamans er endurnærð næringu og veikleiki líkamans fjarlægður.

Á þessari steindu gönguleið muntu sjá sýnir af öllum toga, og þarft að greina á milli hvað er rétt og hvað eru tálsýnir eins og koma fyrir miðla í störfum sínum, því þar er ekki alltaf allt slétt og fellt.

Fundur var hjá mér í gær, og mærin sem þar kemur í gegn frá 7 sviði hefur mjög gaman af því að ég skuli geta greint kjólana hennar og skart og fundið hluti sem hún hefur falið á ýmsum stöðum, en allt er þetta hluti þjálfunnar.

Það er auðvelt að blekkja kennarann í miðluninni eða reyna það með því að þykjast vera þessi eða hinn en með mínum tengingum get ég greint á milli hver raunverulega er þarna að baki, og hafa þeir mjög gaman að þessum feluleik því þetta sé algerlega nauðsynlegt að láta ekki tálsýnir blekkja sig svo sem þessi og hin þekkta sögupersónan sé að ræða við viðkomandi og síðan komi Napolenon konungur í herskrúða allt í einu og þurfi að segja nokkur orð.

Við getum líkt þessu við kennslustund í skynjun þar sem hver og einn kemur með hlut að heimann og settur í skál og síðan tekur hver og einn nemi hlutinn og lýsir því sem hann skynjar persónunni sem á eða átti hlutinn og því meiri upplýsingar þeim mun betra.

Hvað heiminn snertir að þá hafa þjóðir heims aldrei staðið frammi fyrir jafn mikilli ógn vegna heimsku og getur litil kveikur orðið að miklu báli gefi enginn eftir en ég mun ekki fara nánar út í þetta núna.

Þetta land Ísland, var í upphafi byggðar mun fyrr en ykkar bækur herma og stutt síðan ykkur varð það ljóst.

Ástæðan er sú að hér á landi eru fleiri einstaklingar með þessa hæfileika en nokkurstaðar í heiminum, og gert með vilja þannig að ytri áhrif stórborga hefðu sem minnst áhrif á framþróun ykkar, sjórinn klettarnir og orkulindir neðanjarðar stuðla að þessu með okkur og þess vegna hefur tengihringurinn sem þú settir upp fyrir okkur fyrir NA landi orðinn tvöfalt stærri og öflugri og þangað skreppur þú nokkrum sinnum í viku til að virkja þinar tengingar við strókinn sem hefur tenginga við allar kirkjur heimsins og þegar stundin rennur upp verður hægt að gera margt svo ég segi nú ekki meira að sinni.

Þið heyrið í básúnunum sem hljóma fyrst héðan frá þessu landi og um heiminn og þeim mun fjölga síðar á næstu 30 árum.

Þó aldrei sé hljótt hjá okkur þá munt þú með timanum og hugsanlega fleiri með þér hlusta á mestu óperusnillinga sem uppi voru syngja í hinni heilögu kirkju og því gleymið þið aldrei.

Eins og þú veist þá hefur innri líkaminn enginn líffæri en við þurfum orkuhleðslu í um 1 klst á hverjum 24 klst að ykkar tíma en við getum spjallað við hvern sem við viljum hvar sem hann er staddur í heiminum og á ykkar eigin tungumáli sem breytist þegar hinn hlustar og öfugt, Spánska-Enska-Íslenska svo eitthvað sé nefnt.

En það er ekki svo að hér hjá okkur sé allt fellt og slétt og hér eru sálir sem munu aldrei fá að hafa samvistir við mannfólkið og þeirra er vel gætt, en þetta gætu verið svo kallaðir glæpamenn á ykkar máli og illvirkjar sem komið var í þá aðstoð með uppeldinu þar sem þau voru lúbarin og stundum beinbrotin allt sitt líf og hugur þeirra mótaðist af þessu og ekkert gott væri til í heiminum.

Við vissum að þú hugsaðir sterkt til manns sem lést í fangelsi fyrir austan en ef vel hefði verið að gáð hefði mátt sjá beinbrot á handleggjum sem ekki voru gróin rétt saman þegar hann var á aldrinum 3-12 ára svo illa var foreldrum hans við hann að refsing var daglegt brauð.

Fótleggir sluppu ekki heldur en vegna rannsóknarinnar voru aðallega innri líffæri skoðuð en subitanikus voru hans banamein lífsneystinn slokknaði í uppgjöf.

Góðar stundir og sýnið hvort öðru umhyggju og velvilja.

Þór Gunnlaugsson
Heilunar og transmiðill
Er einnig á lækningasviðinu


____________________________________________________

Farið inn á Gestabók, farið neðst á síðuna og skrifið ósk ykkar um að ég leiti eftir svörum við spurningum ykkar frá vinum okkar að handan.

Þetta getur ekki orðið einfaldara að hafa samband við mig. .


GESTABÓK.