fimmtudagur, 20. október 2016

Lífið er verðmætara en þið haldið.

Það er alltaf gaman að tengjast þér og deila því sem við höfum fram að færa og kunnum þér miklar þakkir fyrir.

Sunday, September 27, 2009
Þið þurfið nauðsynlega að nýta ykkur þekkingu ykkar og reynslu ykkur í hag til þess að sigrast á erfiðleikum og sjá fram á veginn í átt til ljóssins.

Ekki efast um hæfni ykkar þegar heimurinn eins ljótur og hann er um þessar mundir til að takast á við lífið og ávinna ykkur birtu og yl í hjartastöðina.

Efist ekki um tilvist Guðs og hleypið honum inn í hjörtu ykkar á komandi vetri því að þið þurfið á honum að halda.

Þá mun sannleikurinn blasa við ykkur og óttin hverfur úr brjóstum ykkar. Óttin er ykkur verstur hann dregur að sér neikvæða orku og viðkvæmur líkami ykkar mun gefa eftir og veikjast í einu eða öðru formi og því hafið þið allt til að vinna.

Við finnum þá miklu reiðiöldu sem geisar um allan heim og hefur mjög slæm áhrif á orkusviðið og við reynum okkar besta ykkur til bjargar en það er ekki þar með sagt að það muni gagnast öllum því miður.Það er svo með mannfólkið að sumir eru beyskari en aðrir og beita afli á lítilmangann til að hafa sitt fram á hans kostnað en svo var ekki ritað í hina helgu bók.Lögmál Guðs hafa verið brotin.

Skriftir 22 september.

Við höldum nú áfram frá síðasta fundi.

Getið þið ímyndað ykkur lífsblómið á nýju lífi þar sem þið eruð núna upphaf þar sem önnur lögmál gilda engin leiðindi eða áhyggjur undir handleiðslu þeirra sem kenndu ykkur áður en þið hófu líf ykkar á jörðinni þar sem ykkur voru kennd lífsgildin til að uppfylla í hinu nýja lífi sem ekki er hægt að nota orð yfir þeirri upplifun í okkar ríki fyrir ferðina til jarðarinnar.

En hvað er það sem þið verðið að gera til að ná þessum friði í samfélagi manna.Þið verðið að vera staðfest í trúnni á almættið sem ykkur var kennt í upphafi og á þann hátt getið þið hreinsað líkama ykkar og sálina sem hleypir birtu og yl aftur til ykkar.

Hver hefur ekki heyrt um styrjaldir í nafni trúarinnar og haft samkennd með fórnarlömbum þeirra en maðurinn lærir ekki af reynslunni því miður og hörmungar halda áfram.

Menn leita réttlætis við misgjörðum en finna ekki nema með ofbeldi af einhverju tægi.Sjáið heimsmyndina í eymd sinni hjá sumum sem þurfa að stela myrða og nauðga drykkjuskap og eymd í sinni lýsandi mynd. Kusu þeir sjálfir þessa leið?

Nei svo er ekki í öllum tilfellum heldur græðgi einstaklinga að lifa á eymd annarra sér til framdráttar.Styrjaldir að hvaða toga sem er munu aldrei leysa vandamál heimsins og þeir sem standa fyrir slíku þurfa að standa skil gerða sinna þegar þeir koma til okkar og þurfa að gera grein fyrir misgjörðum sínum í nýrri þróun.

Skriftir 23 september.

Við skulum nú halda áfram að skrifa og nú skulum við fara langt aftur í tímann að þessu sinni og það gerið þið með því að halla ykkur út af í náttúrunni að kvöldlagi og horfa á stjörnurnar og skoðið hvort einhver þeirra er bjartari en önnur.Þið þurfið að hugsa um þær breytingar sem hafa orðið í aldanna rás frá því himneski sonurinn var tilgetinn í móðurlífi hreinnar meyjar og hét Maria en hún er ekki sú sama Maria sem álitin var vændiskona og var grýtt en hinir trúuðu fylgisveinar stóðu vaktina með henni og veittu hinni verðandi móður vernd.Það var líka skrifað að í timabelti Aquarius að börn ljóssins skyldu fæðast í ykkar heim en það er líka skrifað að Kristur mun aftur birtast ykkur þegar tíminn er réttur.

Grimmd Rómverja var slík fyrir rúmum 2000árum að þeir börðu niður kristna trú sem var verið að setja inn fyrir mannfólkið .

Muhamed spámaður lagði svo fyrir í boðskap sínum að elska skuli þú nágunga þinn eins og þið sjálfan deila með honum mat og húsaskjóli og þetta voru ekki orðin tóm heldur sannleikur í þeim tilgangi að hreinsa hjörtu ykkar en það þýðir ekki endilega að þau séu óhrein heldur fremur sem jafningjar án græðgi í veraldlegum auði.

Margir frá okkur vinna með jarðneskum farvegum þótt þeir sjálfir hafi aldrei upplifað slíkt en það hamlar ekki þeirra starfi þar sem þekkingin er svo víðfem sem þeir hafa.

Margir þeirra eru hér á landi en hafa ekki komið enn til starfa með okkur en hlutverkið er allt af sama meiði að vinna í þágu mannkyns að breyttum lifnaðarháttum í anda lögmála Guðs.

Umgengni ykkar við móður náttúru hefur valdið miklum skaða í lífríki jarðar og myndað ójafnvægi í lofti sem á jörðu og verða afleiðingarnar náttúruhamfarir sem ekki verða stöðvaðar og á endanum verður ólíft á jörðinni verði ekki snögg breyting á umgengni.

Með von um að sjá sem flesta sem þurfa aðstoð. Fyrirbænir mínar eru ókeypis svo hringið og eða sendið E-mail, með nafni og fullkominni adressu þess er aðstöð þarf.
Hafðu samband við mig vanti þig aðstoð.

Góðar stundir og sýnið hvort öðru umhyggju og velvilja.

Þór Gunnlaugsson
Heilunar og transmiðill
Er einnig á lækningasviðinu

thorgu@internet.is

Skrifið sjálf um reynslu ykkar, og hvað ykkur finnst um það sem þið lesið hér í GESTABÓKINA.

GESTABÓK.