Það verður auðveldara með hverjum fundinum fyrir mig að komast að á fundina og minna álag á miðilinn.
Þú spyrð um þær upplýsingar sem þú fékkst ytra og Nostradamus og hans spár.
Því er til að svara að Nostradamus fékk oft sterka orku til sín en það sem sett var á blað er ekki allt eins og sýnist mislesið og túlkað það sem fram kemur á ýmsum stöðum og sumt er alls ekki að fara að gerast.
Sumir sem hafa ritað spár í aldanna rás hafa verið misnotaðir og þeim tileinkaðar sumar spár þótt svo sé ekki.
Þú spyrð einnig um þitt hlutverk hér á landi og er það rétt að vissu leiti rétt að við erum að skoða nokkra aðila sem hugsanlega gætu tekið við þeirri orkuvídd sem þarf og erum við þá að ræða um þol miðlanna því að ef ekki er farið varlega og þessu stýrt á réttan hátt gæti það valdið sturlun miðilsins sem er alls ekki það sem við viljum.
Þið fáið innsýn þegar tíminn er réttur hvort að stefnan sé rétt sem þið eruð að fara sem ljósberar.
Við vitum að þol þitt er mikið fyrir orkunni og við fylgjumst vel með þér og framþróun þinni og þú getur litið á þetta sem ísklump í hendi sem inniheldur allar tengingar þínar sem og annarra sem eru næmir og þýðum ísinn á misjöfnun hraða.
Það sem við erum í raun að gera er að opna fyrir hjá ljósberum um allan heim sem bera ljósið milli manna og láta gott af sér leiða.
Allt gerist þetta innanfrá því að hver um sig kemur í fóstrið með sálinni og tengingar frosnar að hluta.
Umbylting mannkyns til frelsins einstaklingsins er hafin og verður ekki stöðvuð en hún er nauðsynleg til þess að þið farið að horfa í kring um ykkur á náttúruna og tengið ykkur þar.
Það þarf líka að blása í brjóst einstaklinga þannig að þeir finni ljósið og sinn tilgang hvers og eins í hverju samfélagi fyrir sig.
Þú hefur fundið á samkomum þínum í kirkjunni og á fundum þínum allar þær sálir sem leita hjálpar hjá þér að komast í ljósið og fái endanlega frið og fyrir það erum við mjög þakklát.
Við reynum að lyfta okinu af viðstöddum og létta þannig undir að þeim líði betur og læknar hérna megin koma líka og skoða viðstadda.
Ekki er hægt að klára allt á fundunum en við fylgjum einstaklingunum heim og höldum áfram okkar starfi rétt eins og þegar við förum í vitjanir að þinni beiðni.
Þú spyrð hvað er trú samkvæmt okkar orði? Trúin og heilagur andi er alltaf með ykkur hið innra og við getum ekki sett einhverja eina leið í þessum málum miðað við okkar reynslu sem eru æði gamlar.
Trúin og vonin er sannleikur nútímans og þið verðið sjálf að stiga skrefin en við styðjum ykkur öll og upplifa sannfæringuna en ekki græðgi eigingirni sjálfselsku og sjálfshól því það verður ykkur að falli enda ekki kærleikur.
Það mun alltaf verða svo í samfélagi að ef allt það besta er dregið fram í hverjum og einum kemur í kjölfarið öryggi og vellíðan.
Góðar stundir og sýnið hvort öðru umhyggju og velvilja.
Þór Gunnlaugsson
Heilunar og transmiðill
Er einnig á lækningasviðinu
____________________________________________________
Þetta getur ekki orðið einfaldara að hafa samband við mig. .
