fimmtudagur, 28. desember 2017

Ert þú héðan eða þaðan tjaldið er þunnt.

For those who want to read the articles on this page, you can change their language by clicking the button on the right of the page ( G Välj språg )


Fundur 16 apríl 2011

Formáli að þessum fundi.


Margir sakna þess að geta ekki séð yfir í hinn heiminn en svörin eru alveg skýr að ef slíkt væri í gangi myndum við aldrei vera viss hvort viðkomandi væri hér á jörðinni eða frá okkar heimi og fjöldinn hérna meginn slíkur að venjuleg manneskja myndi ekki þola slíkt heldur sturlast. Allar tengingar við ykkur þurfa að gerast með mikilli nákvæmni með heilsu ykkar og reynslu í huga.

Annar stjórnandi Lise kemur fyrst.

Velkomin. Takk fyrir það enda hef ég ekki átt þess kost að koma áður en aðgengið að þessum farvegi var auðvelt og er ég þakklát fyrir það.

Það er alltaf pressa frá jarðlingum að fá opnanir og miða þá oft við fyrri líf og tíma en vera ykkar hér timabundið helgast ekki af því enda gríðarlega erfitt að stilla og fylgjast með að þær séu réttar en við getum ekki alfarið opnað fyrir tengingar ein heldur þarf að koma til stuðningur sálarinnar í viðkomandi einstaklingi og þær tengingar og reynsla sem kom með.

Ef við tökum þínar sem dæmi þá er það hreint ekki auðvelt þótt þú viljir það sjálfur enda ákveðnar varnir eins og ég sagði áðan varðandi sálu viðkomandi en þú ert kominn eins og þú veist sjálfur rúm 50% að leiðarenda í tengingum.

Það er lykilatriði að hafa svona hreina Ljósbera eins og eru hér á landi og þú hefur verið að hvetja áfram og erum við þakklát fyrir það en hafa skal í huga að engir tveir eru eins með sýnir.

Hvað má ég kalla þig? Lis en það nafn er mér mjög kært úr fortíðinni. Ég kem hingað í fyrsta sinn til þess að ræða við þig um hlutverk Ljósberanna en á þeim tengingum ber ég ábyrgð ásamt fleirum um allan heim en í því felst að velja þá sem komast að á fundum og hverjir ekki.

Hefur þú komið á kirkjukvöldin í Bústaðakirkju? Já ég kem með her ljósbera með mér og ekki bara þau heldur þúsundir annarra sem sjá ægistórt ljós kvikna á þessari norðlægri eyju og koma. Þetta er mikil upplifun fyrir mjög marga að fá að koma svona nálagt ættingjum sínum og í mörgum tilfellum voru hlutir ósagðir eða ófrágengnir og þessi kvöld hjálpa þeim yfir hindranir rétt eins og þið glímið við hérna megin.

Við reynum alltaf að sinna ljósberum um leið og vakning verður hjá þeim og ljósið kviknar og það er þetta starf sem þú hefur verið að vinna með okkur. Þetta er eitt að því yndislegasta sem ég geri að vera í þröngum hópi ljósbera með mismunandi skoðanir og lífsreynslu.

Hvar fóru þessir fundir þínir fram? Þetta var í klaustri í Slóveniu sem hét það ekki þá en í fjallendi og þar byggðum við upp kærleik og ljós sem nýttist okkur og öðrum sem þyrftu á hjálp að handa en þetta var á 11 öld en ekkert er eftir af þessu klaustri kanski einhverjir steinar.

Ljósberar þurfa að aðgæta að halda sig við núið og framtíðina ekki það sem liðið er en kryfja það ekki til mergjar heldur komum við með skýringar til ykkar þannig að þið náið þessu á réttan hátt.

Afgangur fundarins er einkasamtal við föður minn Gunnlaug.

Þó get ég sagt að þar komu svör sem aðeins við tveir vissu og þar á meðal andleg mál og þeir hæfileikar sem hann hafði en faldi. Ákvað að setja hann inn líka.

Jæja strákur þá er ég loksins kominn alveg til fundar við þig enda réttur tími núna. Þið ræðið mikið um störf Ljósberanna og er því til að svara að þau störf eru göfug og mjög nauðsynleg fyrir mannkyn.

Þú ert að vinna ákaflega mikilvægt starf í þágu mannkyns en ég bið þig að fara varlega og leyfa hlutunum að koma til þín fullþroskuðum en það var lykilástæðan fyrir því að ég vildi ekki að þú færir að vasast í þessum málum á sínum tíma en erfitt var fyrir mig að bera þessa leynd með mér einum.

Ég vil líka bæta við að Musterisriddararnir hér í jarðvistinni var ekki rétta umhverfið fyrir þig heldur það grasrótarvinna sem þú vinnur í dag og veitir mér stolt og aldrei getur maður verið viss um að hlutirnir falli alveg á rétta staði á æviskeiði en hjá þér tókst það og veitir mér sárabót fyrir leyndina.

Patrik Pio og Fransis eru mér hugleiknir hvers vegna er það? Já það má segja að það hafi verið samgangur á milli ykkar í hugmyndavinnu fyrir mannkyn en umgjörð ykkar á þeim tíma var hættuleg vegna ytri aðstæðna og þið fóruð afar varlega.

Þetta er allt annað í dag á þessari tækniöld ykkar en þú varst tengdur við Musterisriddarana en tókst ekki þátt í pólitík sem vill loða við reglur opnar eða leynilegar heldur var það orðið og notkun þess sem þér var ofar öðru og því urðu kenningarsmíðar þér hugleiknar.

Pabbi þú sóttir sjálfur ekki fundi í yfir 10 ár? Jú rétt er það en svarið er hér að ofan menn fara þarna inn með mismunandi hugsanir svo sem að fá djúpar fréttir mannlífs aðallega að nýta sér tengingar manna í millum en verður ekki að ósk sinni en í mínu tilfelli var það kærleikinn sem ég fann ekki þarna utan örfárra.

Ferðin til Indlands og tilgangur hennar? Já hún þurfti að fara fram við réttar aðstæður til að skúbba þér upp á rétta tíðni til þess að þú næðir sambandi við þá þekkingu sem þú hafðir fyrir og gætir nýtt til fullnustu en það var metið svo að þú þyldir vel andlega og líkamlega að hoppa yfir tug ára í einu.

Þetta var mér og öðrum hjartans mál að vinna við þína opnun til fulls myndi takast á réttan hátt og flóðgáttir kærleikans næðu að flæða öðrum til góða enda ekki vanþörf á og ég er afar stoltur af þér þótt ég sjálfur hafi ekki getað nema að litlu leiti nýtt mér mína hæfileika vegna tíðarandans þá.

Góðar stundir og sýnið hvort öðru umhyggju og velvilja.

Þór Gunnlaugsson
Heilunar og transmiðill
Er einnig á lækningasviðinu

thorgu@internet.is

Skrifið sjálf um reynslu ykkar, og hvað ykkur finnst um það sem þið lesið hér í GESTABÓKINA.

GESTABÓK.