Fundurinn var settur.

Upptaka af fundi í dag 28.10 2011.

Fundurinn var settur en að þessu sinni gerði ég smá breytingu en hún felst í því að færa farveginn til hliðar og leyfa stjórnandanum að koma fram fyrir og því betra samband og minni áhrif hugsunar farvegsins á meðan.

Spurning mín til hans í byrjun er að við vorum búnir að ræða um hringinn og tilgang hans en mig langaði að vita um allar þessar merkingar þeirra á v.helmingi líkama míns og fjölgar frekar enn hitt.

Þú skalt ekki að velta þér upp úr tilganginum annað en að þarna inn á milli eru kærleiksmyndir en þetta er mjög óvenjulegt af okkur að þetta sé gert á mannfólki og skýrist síðar.

Þá ræðir hann um ónauðsyn þess fyrir mig að þurfa staðfestingar fyrir öllu en þeir geri sér fulla grein fyrir nákvæmni minni og því verður mér svarað af hreinskilni af þeirra hálfu.

Spurður um deili á aðila sem kom og nýtti tækifærið að fá lánað talboxið mitt og ræða við viðstadda og kom stjórnandinn með nafn þess sem kom Guðmundur og vissi ég þá að þetta hafði verið Guðmundur Hermannsson móðurbróðir minn en hann lést fyrir fæðingu mína.

Aftur er komið inn á mikilvægi ljósberanna um að fara inn á brautir jákvæðrar hugsunar og gleyma einhverju sem gæti gerst í framtíðinni. Eyðið ekki tíma ykkar í óþarfa áhyggjur og deyfa orkuna með þeim hætti.

Hann vill gera ljósberunum grein fyrir mikilvægi þess að að halda heildina þar sem slíkt er nauðsynlegt.

Ég spyr um þessa óskaplegu kærleiksorku sem streymir yfir mig frá honum og svo sterk að maður vöknar við og hann segir það stafa af því að hann starfi eingöngu í hreinum kærleika og því sé hann kominn.

Þá kemur hann inn á bankahrunið í heiminum og segir það þjappa fólki saman því það sé eina vonin að fólkið og ríkisstjórnir tali saman með virðingu því að þá sjáið þið von.

Það þarf að hætta að hugsa um veraldleg gæði hvað það hefði átt eða getað átt í stað þess að horfa inn á við og á fjölskyldur sínar og sjá hve heppin þau eru.

Þú þarft að hjálpa þessu fólki sem best þú getur og ég svara að helst vildi ég bjarga heimsbyggðinni en hann svarar ekki alls staðar en þú munt líka starfa erlendis í fyllingu tímans.

Þú þarft að vita að hvar sem þú ert staddur þá sendir þú frá þér orku og kærleik í vöku og svefni enda alltaf tengdur.

Rætt var um fundinn stóra sem á að halda og ég nefni sept.2012 og svarið er að ég muni fá að vita það tímanlega. Spurður um stjörnuhringi utan um augasteina mína þar sem farvegurinn sá þá stækka þegar ég var tengdur og svarið var að smávægileg líffræðileg breyting þurfti að gera á augum þínum til að geta unnið á þeim víddum sem þér er ætlað við kennslu og önnur störf fyrir okkur.

Góðar stundir og sýnið hvort öðru umhyggju og velvilja.

Þór Gunnlaugsson
Heilunar og transmiðill
Er einnig á lækningasviðinu

____________________________________________________

Farið inn á Gestabók, farið neðst á síðuna og skrifið ósk ykkar um að ég leiti eftir svörum við spurningum ykkar frá vinum okkar að handan.

Þetta getur ekki orðið einfaldara að hafa samband við mig. .

GESTABÓK.

Þú spyrð um sannleika varðandi orkustöðvarnar.

Góðar stundir 29.10.2011

Þær eru þarna, þær skipta líkamann ykkar og andlega líkamann verulegu máli. Hlutverk þeirra, þær hafa hver fyrir sig mörg hlutverk og gegna þeim án meðvitundar okkar. Ekki þurfið þið að kafa djúpt í að skilja hvernig hver og ein vinnur heldur skiptir máli að vita hvæar þær eru staðsettar, og kunna að hreinsa þær, kunna að virkja þær.

Fyllið þær af ljósi og látið ljósið hreinsa, látið hjartastöðina finna hvort það er eitthvað sem þeið eigið eftir að heila og hreinsa í henni sjálfri, hún tengist tilfinningum og tilfinningar tengjast oft samskiptum.

Hvaða samskipti hafið þið átt sem hafa skilið eftir sig í hjartastöðinni eitthvað sem þarf að endurvarpa huganum á og hreinsa út úr henni. Hvaða samskipti og tilfinningar hafa myndast í kringum þau sem hafa hjálpað hjartastöðinni að vaxa og þroskast.

Skoðið samband milli foreldra og barna til dæmis, hugsið um börnin ykkar með hjartanu ekki með huganum og látið hjartastöðina vaxa og dafna á þann hátt með því að hugsa um aðrar manneskjur eða dýr sem eiga stóran þátt í því að skapa hvernig tilfinningaverur þið eruð.

Ef þið rekist á hugsanir sem tengjast öfund, græðgi, hatri, almennum pirring eða þið finnið eins og þið dökknið og það kemur einhvers konar drungi yfir ykkur eftir að hafa hugleitt inn á samskipti sem hafa valdið þessum tilfinningum þá er spurning um að skoða það betur og fara dýpra og þið ættuð að biðja um hjálp við að laga það.

Ekki burðast með vonbrigði, reiði eða annað slíkt út í ykkur sjálf eða aðra því það heldur aftur af þroska og vexti ykkar og veldur stöðnun.

Þið viljið fá að vita meira, það er gott. Þorstinn í fróðleik er af hinu góða og svörin ættu að kalla á meiri þorsta eftir að fá að vita enn meira.

Ykkur er sýnt eins mikið og sagt eins mikið og þið ráðið við í það skipti, við megum ekki grípa fram fyrir þroskaferlið hjá ykur því þið þurfið að læra hlutina sjálf og megið ekki bara lesa það eins og í bók því þá er tilgangnum ekki náð.

Þið hafið valið ykkur að fara ákveðinn veg, hver fyrir sig og upplýsingarnar sem þið megið fá eru ekki alltaf það sem ykkur langar að vita í það skiptið því hugurinn hleypur á undan ykkur og ykkur langar að vita allt.

Opnið fyrir orkuflæði á milli orkustöðvanna ykkar, leyfið því að flæða óhindrað á milli og mynda heild sem er með kjarna víðast hvar þar sem orkustöðvarnar sjálfar eru staðsettar.

Víkkið út sjóndeildarhringinn ykkar með því að leyfa ykkur að dreyma, ímyndun og dagdraumar hjálpa ykkur að þróa og þroska með ykkur þriðja augað og hafið ekki áhyggjur af því hvað er ímyndun og hvað ekki. Þegar maður er að æfa sig þá skiptir það ekki öllu máli enda er ímyndun oft af hinu góða og gerir ekkert annað en að halda ykkur á réttri braut.

Enda er nauðsynlegt að vera lifandi og eiga sér drauma og þið eigið sannarlega að sjá fyrir ykkur þegar draumarnir ykkar rætast og leyfa því að taka á sig mynd í kollinum á ykkur því að skýrir markmiðin betur og þið munuð þá frekar feta ykkur inn á þær slóðir að ná þeim.

Ég hef sagt ykkur að halda ykkur á jákvæðum brautum, jákvæð orka er það sem þið þurfið að einbeita ykkur að á þessum tímum. Orkan í kringum ykkur og í ykkur hefur breyst og er að breytast enn og mun halda því áfram þar til hámarkinu verður náð. Ég mun ekki gefa tímasetningar sem munu ýta undir kvíða og valda því að þið gleymið því að það er ferðalagið að þessum tíma sem er að skipta máli en ekki hver útkoman verður þá, þið fáið að vita áður en að því kemur hvenær tíminn er og hvað þið eigið að gera.

Núna skiptir máli að breyta orkunni í huganum og hjartanu og láta kærleikann flæða á milli ykkar.

Myndið með ykkur hringi, þar sem þið notið kærleikann og leyfið honum að magnast upp og flæða. Hugleiðið á sama tíma, látið orkuna magnast upp með fjöldanum.

En gerið það líka í sitthvoru lagi og látið ljósið og þá yndislegu orku sem fylgir ljósinu og kærleikanum ná yfirhöndinni yfir kvíða og áhyggjur, yfir neikvæðni, sorg og reiði, yfir eftirsjá því þurfið sannarlega ekki að hafa eftirsjá og eigið að sleppa hendinni af slíkum hugsunum og tilfinningum og biðja um hjálp við að hreinsa þær frá ykkur og losna við slíkt sem veldur ykkur eingöngu vanlíðan og dregur úr ykkur.

Sjáið fyrir ykkur að þið séuð gangandi ljós, að þið leyfið ykkur að flæða. Að þegar þið hittið annað fólk að þá leyfið ljósinu ykkar að flæða um herbergið og leyfið því að fylla annað fólk líka. Fáið fólk til að hugsa jákvætt með ykkur með því að benda þeim á að fara jákvæðu leiðina að því sem það er að gera

Með tímanum þurfð þið svo að læra meira en grunnurinn er að halda sér inná brautinni þar sem trú og staðfesta, kærleikur og góðmennska ræður ríkjum.

Smávægileg atriði eins og láta eitthvað smáatriði fara í taugarnar á sér eins og þið orðið það, að láta smáatriði eða eitthvað í fari annarra hafa neikvæð áhrif á hvernig ykkur sjálfum líður er eitthvað sem þið þurfið að læra að breyta og sleppa takinu á.

Þetta er bara vani, eitthvað sem samfélagið ykkar hefur kennt ykkur með dómhörku sinni og formfestu á hvernig hlutirnir eigi að vera en í stað þess að horfa með opnum augum á hvernig hlutirnir eru raunverulega og samþykkja það með opnum hug.

Biðjið og verið þakklát fyrir það sem þið hafið, því innst inni ef fólk leiðir hugann að því þá eru allir þakklátir fyrir það sem þeir hafa. Allir hafa hluti sem þeim þykir vænt um, hluti sem þeir geta fundið að í hjartanu skipta þá svo miklu máli og notið þessa hluti til að byrja á að finna þakklætið, finna kærleikann gagnvart því fólki sem þið elskið.

Þroskið ykkur svo út frá því og sleppið því að dvelja yfir tímum sem eru liðnir, varðveitið minningarnar en ekki dvelja í fortíðinni og dvelja í því sem þið hafið þegar misst.

Ekki dvelja yfir því sem þið eigið ekki, því sem þið viljið öðlast í framtíðinni. Látið frekar svoleiðis hugsanir á jákvæðan hátt í draumana ykkar og setjið ykkur jákvæð og góð markmið með að þið viljið ná þangað seinna meir en lifið í nútíðinni og horfið með réttum augum á það sem er í kringum ykkur nú.

Gleymið ykkur ekki í lesefni sem skiptir ekki máli og munið að skoða ekki bókstaflegar merkingar þess sem ykkur er sagt og þið lesið heldur finnið boðskapinn í því og túlkið fyrir ykkur.

Það má lesa sömu bókina á margan hátt, fer eftir því hver er að lesa og hvaða boðskap hann þarf að fá í það skiptið sem hjálpar honum mest að þroskast. Þannig er það einnig í samskiptum og öðru því sem þið takið ykkur fyrir hendur, þið takið þann boðskap og þá fræðslu úr sem þið eigið að nota í það skiptið.

Nú vil ég miðla þessu til ykkar því ég vil að þið lærið að hugsa upp á nýtt með kærleikanum, þið sem þurfið að læra það. Að leyfa ekki efanum að pota sér inn í allt sem þið gerið heldur halda áfram og leyfa trúnni á hið góða og trúnni á ykkur sjálf að ráða för. Takið til ykkar það sem þið þurfið að læra, það eru einhverjir sem vita þetta en aðrir sem finnst gott að láta minna sig á og finna að þeir þurfi smá staðfestingu á að þeir séu að gera rétt og að þeir séu á réttri braut.

Þið hafið oft svo miklar áhyggjur af því hvað öðrum finnst og hafið áhyggjur af því hvað ykkur sjálfum ætti að finnast en gleymið því og verið þið sjálf og stolt af því að vera hver þið eruð og munið að þið hafið öll tilgang og ekki láta efa og skort á sjálfsöryggi koma í veg fyrir að þið finnið ykkar tilgang.

Góðar stundir og sýnið hvort öðru umhyggju og velvilja.

Þór Gunnlaugsson
Heilunar og transmiðill
Er einnig á lækningasviðinu

____________________________________________________

Farið inn á Gestabók, farið neðst á síðuna og skrifið ósk ykkar um að ég leiti eftir svörum við spurningum ykkar frá vinum okkar að handan.

Þetta getur ekki orðið einfaldara að hafa samband við mig. .

GESTABÓK.

Transfundur 30 október 2011

Formáli:

Þessi fundur er sá allra sterkasti sem ég hef átt kost á og í fyrsta skipti fann ég ískuldaa neðan hnés og kærleiksorkan sem kom með að augun vöknuðu bæði hjá mér og farveginum því að þetta var eins og gamall vinu væri að snerta sálu mína.

Góðann daginn og velkomin

Sömuleiðis og þakka vel fyrir að fá að koma í þessa sérstöku sendiferð þér viðkomandi enda kominn langt að.

Við viljum á þessum stað í þróun þinni gera þér betur grein fyrir tengingum þínum og tilgangi.

Við þurfum að fara saman aftur til Mesopotamíu þar sem við störfuðum saman en þú var í konulíkama þá og barst nafnið María lítt þekkt en samt persóna með stórt hjarta til hjálpar þurfandi.

Okkur til undrunar hafa þessar 4 viðbótatengingar á mjög hárri tíðni komist slysalaust í þinn líkama og við sjáum ekki að þær skaði þig á nokkurn hátt en fáir hafa þær.
Þessar tengingar eiga eftir á næstu 2 árum eða svo á ykkar tíma verða hárfínar og þá munt þú finna að fullu mátt þeirra og tilgang.

Við skiptum okkur í hópa eftir því hvaða verkefni þú ert að vinna við en það eru gríðarlega margir sérfræðingar á bak við þig og þú ert í raun og veru aldrei einn.
Sérstakir jarðvistarhópar vinna um allan heim að skapa ró á umhverfi sitt sem þið sjálf hafið valdið með alvarlegum afleiðingum en það er erfitt hjá þeim en mun auðveldara hér á landi vegna áhuga og samheldni ykkar.

Við vinnum að því öllum árum að breyta hugarfari mannkyns til hins betra og það gerðum við í Mesopotamíu hring sem þar myndaðist og eftir að Kristur fæddist var búið að undirbúa komu hans en við vorum 15 saman.

Ég gekk undir nafninu Alexo á þessu tímaskeiðinu en það er svo merkilegt með þig að þú hefur valið þér aðila sem vinnaa að þjóðfélagsumbótum og í störfum sem lögreglumaður og þá í Bretlandi undir nafni Sir James.

Það var aðallega við rannsóknir fyrir tíma Sherloc Holmes an þú lékst þar tveim skjöldum að hjálpa þeim sem biðu aftöku vegna óréttlætis og gast þess vega hjálpað ógrynni fólks frá tortimingu.

Til þess að vinna þetta starf þurftir þú að afsala þér aðalstign þar sem þú valdir litla manninn en það gekk ekki í aðalsættum að vinna slík störf.

Þú ert í raun og veru að gera svo marga hluti í dag með þessari hreinu kærleiksorku öðrum til bóta að þú þorir varla að ræða það.

Bara svo að þú misskiljir þetta ekki að þá máttu vita að áður en þú fæddist hafði sálin þá þegar ákveðið vinnu farveginn og því skaltu ekki óttast þótt fólk finni mjög sterka orku umhverfis þig hvar sem þú ert staddur.

Þessi hópur okkar í fyrri tímum unnum við þrekvirki að undirbúa komu þess heilaga og ljósið sem fylgdi honum sem hann útbýtti til dauðadags.

Hún mun með tímanum verða enn sterkari og sjáanlegri en hún er þér nauðsynleg til að geta snert og sett ljós í hjörtu sjúkra sem hækkar um leið tíðninni kjarnan.

Kirkjur eru þér heilagar að koma þar og eiga stund með sjúkum og þess vegna hefur þú svo sterka á bak við þig og langar biðraðir að fá að nota talboxið sem við prufuðum á síðasta kirkjufundi.

Að lokum vil ég þakka fyrir það tækifæri að fá að ræða við þig í fyrsta sinn en þetta var ákveðið svona í því efra.

Góðar stundir og sýnið hvort öðru umhyggju og velvilja.

Þór Gunnlaugsson
Heilunar og transmiðill
Er einnig á lækningasviðinu

____________________________________________________

Farið inn á Gestabók, farið neðst á síðuna og skrifið ósk ykkar um að ég leiti eftir svörum við spurningum ykkar frá vinum okkar að handan.

Þetta getur ekki orðið einfaldara að hafa samband við mig. .

GESTABÓK.

Farðu inn á við.

1. nóv. 2011.

Farðu inn á við, leitaðu alltaf inn á við þegar þú þarft að taka ákvarðanir og finndu hvað hjartað segir. Þið notið hjartastöðina ekki nóg enda er hún ekki að virka sem skildi hjá mörgum ykkar.

Farið þá leið að vinna í því að reyna að opna hana eins og þið getið, því það mun skipta miklu máli upp á framtíð ykkar að gera.

Þið lifið á tímum mikillar firringar og hafið afneitað því sem ykkur hefur verið kennt og sýnt í gegnum í staðinn fyrir gæði sem geta ekki fylgt ykkur áfram, gæði sem kenna ykkur ekkert og þroska ykkur ekki.

Við sáum þetta ekki fyrir og það þarf mikla vitundarvakningu hjá manneskjunum sem byggja þessa jörð til að laga það sem farið hefur miður.

Við höfum undirbúið ykkur en því miður eru ekki margir móttækilegir fyrir því en við munum halda áfram að hækka tíðni ykkar, hækka orkuna sem þið lifið í svo þið verðuð betur undir búin undir orkubreytingar komandi tíma.

Til að geta tekið við og geta tekið þátt þurfið þið að hafa hjartastöðina opna. Þið þurfið að hugsa í kærleika og lifa í kærleika. Þið þurfið að sameinast þið, þurfið að lifa saman sem ein heild en ekki einangra ykkur í sitthvoru horni og lifa í myrkri og neikvæðni.

Hafið ekki áhyggjur það gerist sem á að gerast og það er óhjákvæmilegt. Við förum með ykkur og fylgjum ykkur en þið þurfið að vakna til lífsins og taka ákvarðanir sem þið verðið að taka með hjartanu en ekki með hugsun ykkar.

Mótið ykkur sjálf, hugsanir, orð og orkan í kringum ykkur mótar ykkur og heyrið nú að það skiptir máli og ekki ýta þessu frá eins og þetta sé hvert annað sem þið lesið sem snertir ykkur ekki.

Þörf er á að endurmóta það sem þið gerið, að móta upp á nýtt hugann og hjartað og ýta frá þeirri firru og því sem þið þekkið af umhverfinu í kringum ykkur og leitið inn á við, leitið í trúnna og leitið eftir staðfestingu í hjartanu ykkar.

Ekki öll ykkar sjá og heyra, ekki öll eruð tilbúin til þess en við notum farvegi til að koma til ykkar upplýsingum og fræðslu sem þið ættuð að taka til ykkar og samsama ykkur með þó að þið upplifið sjálf ekki að fá að sjá eða heyra.

Sleppið því að hugsa alltaf um hörmungarnar í kringum ykkur og reynið frekar að nota hugann til að breyta flæðinu í hina áttina, hugsið um þá hluti sem virkilega skipta máli fyrir ykkar andlega ferðalag, það sem þið eigið að læra og meðtaka í lífinu ykkar.

Góðar stundir og sýnið hvort öðru umhyggju og velvilja.

Þór Gunnlaugsson
Heilunar og transmiðill
Er einnig á lækningasviðinu

____________________________________________________

Farið inn á Gestabók, farið neðst á síðuna og skrifið ósk ykkar um að ég leiti eftir svörum við spurningum ykkar frá vinum okkar að handan.

Þetta getur ekki orðið einfaldara að hafa samband við mig. .

GESTABÓK.

Tilgangurinn er mikill.

7 Nóvember 2011

Tilgangurinn með því að ganga hér á jörð meðal ykkar og þið meðal hvors annars. Þið sjáið ekki öll tilganginn en það má benda ykkur á að tilgangurinn helgast allur samkennd, hann helgast kærleika og hann helgast því að sjá ljósið í hvort öðru.

Að læra að elska ykkur sjálf skilyrðislaust og að læra að elska aðra og stækka ykkur á þann hátt og maður gæti sagt að reyna að hámarka sig en það er aldrei hægt að ná hámarki þó því vöxturinn heldur endalaust áfram.

Opnið fyrir flæði ljóssins, opnið fyrir það inn í hugann með því að færa ykkur í átt til betri lífs og opnið fyrir það í hjartanu með því að leyfa ykkur að elska. Ekki kryfja og efast um þær tilfinningar sem þið finnið. Leyfið þeim að vaxa og dafna og leyfið nýjum tilfinningum að koma til ykkar.

Þið eruð tilfinningaverur, þið eruð ljósverur og þið lifið því miður of mörg í skugga og án sambands við ykkur sjálf.

Það þarf ekki mikla vinnu til að virkja sig á þennan hátt, bara að gefa sér smá tíma til að opna aðeins fyrir gáttina og leyfa hlutunum að flæða og koma sjálfkrafa.

Það er margt stórt að gerast, stórt á ykkar mælikvarða. Indland, Grikkland, Rússland. Jarðskjálftar, eldgos, efnahagsvandræði og mannvonska sem kemur upp á yfirborð. Spilling.

Ég gæti talið upp lengi, farið varlega og gleymið ykkur ekki í hörmungum ykkar heims, gleymið ykkur frekar í gleði heimsins og því sem veldur góðum tilfinningum en ekki kvíða og vanlíðan.

Það er verið að stilla af orkuna hjá ansi mörgum, það þarf að samræma orkuna við þær orkubreytingar sem hafa orðið á plánetunni og það tekur tíma að finna jafnvægið aftur fyrir ykkur sum.

Það munu verða kraftar sem valda miklum breytingum sem þið eigið eftir að reyna að skilja en vísinda­menn ykkar tíma fá engan botn í, enda er kunnáttan takmörkuð.

Það verða breytingar á landi og sjór mun ganga á land jafnframt í kjölfarið og það verður erfitt fyrir ykkur að skilja hvernig eða hvers vegna þett gerist. Ég fer ekki nánar út í það, bíðið og sjáið og látið ekki valda kvíða því kvíði er ekki það sem þið eigið að vera að finna.

Finnið til náungakærleika og gleði, notið hæfileikana til að elska, þið hafið öll þann eiginleika og hæfileika til að elska óendanlega, skilyrðislaust og virkjið það. Byrjið á ykkur sjálfum, þeim sem standa ykkur næst og elskið svo aðra.

Góðar stundir og sýnið hvort öðru umhyggju og velvilja.

Þór Gunnlaugsson
Heilunar og transmiðill
Er einnig á lækningasviðinu

____________________________________________________

Farið inn á Gestabók, farið neðst á síðuna og skrifið ósk ykkar um að ég leiti eftir svörum við spurningum ykkar frá vinum okkar að handan.

Þetta getur ekki orðið einfaldara að hafa samband við mig. .

GESTABÓK.

Þið verðið að hlusta.

Leyfið ljósinu að koma til ykkar og vera partur af ykkur alla daga. Leyfið kærleikanum að dafna og flæða í gegnum ykkur.8 Nóvember 2011(ósjálfráð skrift) Þið verðið að hlusta, þið verðið að hugsa og leyfa því sem er að koma til ykkar að setjast og melta það.

Þið eruð á svo miklum hraða ykkur er sýnt og þið farið áfram og fáið að vita ýmislegt sem ætti að geta gagnast ykkur en þið æðið áfram á svo miklum hraða að þið nýtið ekki það sem er að koma til ykkar á þann hátt sem ætlað er.

Tíminn er ekkert of mikill, þið verðið að taka ykkur saman og fara að standa saman.

Það er svo mikil sundrung og einstaklingshyggja sem ríkir að þið eruð komin út á ystu nöf vegna þess. Það þarf að stilla ykkur inn á að hjálpa hvort öðru og hjálpa ykkur sjálfum að læra að lifa í þeirri orku sem ykkur hefur verið ætlað að lifa í en við stöndum frammi fyrir því að þið blokkið á og lokið fyrir og takið ekki eftir lærdómnum, takið ekki eftir því sem við sýnum ykkur.

Við höldum þó áfram að reyna og það mun koma til ykkar á endanum en mætti gerast hraðar hjá ansi mörgum.

Mig langar að fræða ykkur um hvað er að gerast í ykkar plánetu, ég segi í henni því að orkan er ekki einungis á henni og í kringum hana heldur er hún í henni líka og fer djúpt og hefur áhrif á hana.

Spenna hefur magnast upp og þörf er á losun og hreinsun hjá henni að innan. Einnig þarf að hjálpa henni svo við að hreinsa að utan og verð ég að biðja ykkur um að einbeita ykkur að því að senda heilunarorku til móður jarðar, að biðja ykkur um að hafa hana í bænum ykkar og senda henni ljós.

Hreinsun mannsins er svo annar handleggur en ég fer ekki nánar út í það hér og nú því það gæti haft önnur áhrif á ykkur en ég myndi ætla mér að segja ykkur frá því núna.

Margir miðlar eru að vakna til lífsins ef svo má segja, þið finnið að orkan er sterkari og að það er opnað fyrir hjá þeim sem hafa upplifað sig sem lokaða með þeirri orku sem er í kringum ykkur nú.

Virkið þessar opnanir, takið á móti því sem kemur því það er til þess að hjálpa ykkur og hjálpa ykkur að skilja og læra betur og dýpra hvað er framundan og hvað þið eigið að gera og hvert hlutverk ykkar er.

Einnig er það til góðs fyrir hvern og einn og eflir ykkur persónulega og hjálpar ykkur að nálgast það markmið sem þið fæddust með hingað á jörðina og hjálpar ykkur með þroskann sem ykkur er ætlað að ná.

Gefið því gaum að líta til himins, lítið til himins þegar færi gefst og sjáið hversu himininn er óendanlega stór svo stór að honum eru engin takmörk sett.


Þannig er það einnig með ykkur sjálf, það eru ekki takmörk og þið eigið að geta farið hærra og dýpra en þið sjálf setið takmörkin á ykkur og leyfið ykkur ekki að fara á þá staði sem þið sannarlega getið og ættuð að gera.

Ég segi ykkur enn og aftur að óttast ekki um ímyndun og óímyndaða hluti því það er þráður sem sker á milli en þið lærið að vega það og meta með tímanum og ykkur getur virst sem þið ímyndið ykkur til að byrja með en skiljið svo þegar lengra er komið hvað greinir á milli.

Ekki loka á og hugsa með ykkur að þið séuð bara að ímynda ykkur hlutina, leyfið hugsunum og tilfinningum að flæða óhindrað og sleppið því að setja veggi utan um allt. Það þarf ekki allt að vera flokkað í kassa og box eins og þið virðist eiga til að vilja gera.

Stundum skortir ykkur orð yfir það sem þið vitið eða finnið og það er allt í lagi, leyfið því samt að vera með ykkur og leyfið sýnum og draumum að flæða án þess að þurfa að skilgreina þá til hins ýtrasta.

Þið skiljið betur eftir á hvers vegna það er.

Einu takmörkin sem eru ykkur sett hafið þið sett sjálf og nú er tíminn til að losa um þær hömlur sem eru að hafa áhrif. Þið þurfið á hvort öðru að halda og gerið ykkur sýnileg fyrir hvort öðru, standið saman og leyfið sundrung ekki að komast að ykkur.


Tengið ykkur við ljósið og finnið kærleiksorku fljóta í gegnum ykkur og frá ykkur til hvors annars. Það er markmiðið. Markmiðið er einfalt í eðli sínu og ykkar tilgangur er að hjálpa og byrjið þá á því að hjálpa hvort öðru og hjálpa þeim sem eru hjálpar þurfi, notið bænir og hugsanir til þess.

Hjálpið plánetunni sem leyfir ykkur að búa hér, hjálpið henni og með því hjálpið þið ykkur sjálfum á svo margan hátt. Einfaldið hlutina frekar en að flækja þá, reynið ekki að skilja allt sem gerist í kringum ykkur, verið bara til og munið að njóta nútíðarinnar.

Þór, þú ræður hvort þú setur þetta inn eða ekki.

Ég vildi bara segja þér frá því sem hann sýndi mér í leiðinni: Eftir að hann skrifar þetta sýnir hann mér. Hann sýnir mér kort af heiminum með fókus á lönd sem virðast vera annað hvort í norðaustrarlegri Afríku eða suðvestanverðri Evrópu.

Dökk rauður litur færist yfir löndin og svo hiti, nánast eins og eldur.

Ég kíkti á kort eftir á þar sem landafræðin er ekki upp á marga fiska og sá betur að svæðin sem hann sýnir mér með þessum eldrauða lit eru miðausturlönd, aðallega í kringum Íran, kannski eins og frá Egyptalandi og Tyrklandi og yfir til austurs yfir löndin sem ná þar í kring og þar á meðal Íran.

Því næst sýnir hann mér Ísland og suðurland Íslands glóir í sýninni, rautt eða appelsínugult. Einnig er regn yfir landinu sem og Norður-Evrópu sem sést varla í gegnum eða snjór, á erfitt með að greina hvað það er sem ég er að reyna að horfa í gegnum.

Öskuský, mengun eða eitthvað slíkt sem er grátt á lit yfir Bandaríkjunum.

Svo heldur hann áfram að skrifa: Þú ræður líka hvort þú setur þetta inn - er þetta ekki svar við spurningu sem þú spurðir hann að um daginn?

Merkin standa öll fyrir kærleika hver á sinn hátt. Þið eruð merkt til að við og aðrir sjáum. Hver merking stafar af vígslum sem þið hafið farið í gegnum sem allar tengjast í gegnum kærleiksverk og eru sum merkin til að auðvelda flæði í gegnum þau og einnig til að einfalda fyrir öðrum hvað þið hafið fram að færa.

Merkingar sálarinnar, merkin fylgja sálinni en ekki líkamanum og þó ykkur virðist þau vera líkamleg þá eru þau það ekki í raun. Merkin hafa einnig tengingar sem þið sjáið ekki endilega eða upplifið en sumir í okkar heimi geta séð og fundið.

Þessi svör eru rétt hjá hjálparhellunni þar sem ég vissi tilganginn sjálfur fyrir löngu en þetta styrkir hann í að hafa vilja til að ná í réttar upplýsingar þó svo að margir komi til að sækja þær enda vel grafnar.

Góðar stundir og sýnið hvort öðru umhyggju og velvilja.

Þór Gunnlaugsson
Heilunar og transmiðill
Er einnig á lækningasviðinu

____________________________________________________

Farið inn á Gestabók, farið neðst á síðuna og skrifið ósk ykkar um að ég leiti eftir svörum við spurningum ykkar frá vinum okkar að handan.

Þetta getur ekki orðið einfaldara að hafa samband við mig. .

GESTABÓK.

Setti fram nokkrar vel valdar spurningar.

13 Nóvember 2011

Setti nokkrar vel valdar spurningar úr sýnum mínum og spám á þessu og sl. ári í von um skýrari svör og þetta kom til miðilsins skriflega.

Þið eruð vel staðsett hvað varðar skjálfta og aðrar náttúruhamfarir eins og þið kallið það. Ég er búin að segja ykkur að jörðin er í hreinsun, jörðin er að reyna að ná jafnvægi sínu og getur það ekki nema að hreinsa innan frá og laga það sem hefur farið á mis og leiðrétta orkuna í kringum sig og í sér sjálfri. Þetta gerir hún m.a með spennulosun og það kemur fram í eldgosum, jarðskjálftum til að mynda.

San Andreas misgengið er að gliðna í sundur. Það má búast við skjálftavirkni í kringum þá gliðnun en það færist í sitthvora áttina og það er að myndast smátt og smátt gjá þar sem verður löng.

Varðandi Bandaríkin að öðru leyti má búast við rigningum og kulda, miklum veðra sviptum þar sem skipast á kuldatímabil og rigningar á sumum svæðum. Næsta sumar má sjá mikinn hita á þeim svæðum sem hefur verið heitt fyrir en það verður enn heitara núna. Bandaríkjamenn eru ekki undir það búnir að fara inn í þetta kuldaskeið sem þeir eiga eftir, húsakostur þeirra og faratæki eru ekki undir það búin að taka á móti slíkum veðrum enda hefur veðurfar verið stöðugt en það er að breytast.

Í Indonesíu er mikil spennulosun.

Fjöllin liggja á belti þar sem losun er að verða, það eru fleiri slík belti ef svo má segja á fleiri stöðum í heiminum en þau munu ekki öll losa um spennu á sama tíma heldur gerist þetta í má skömmtum. Það verða öskugos, miklir strókar og líka hraungos þar sem hraunið á eftir að fara niður og ógna byggðum fólks. Þetta kemur þó ekki að sök, fólkið á þessum svæðum mun aðlagast og laga sig að þeim aðstæðum sem eldgosin skapa. Ég fæ ekki betur séð en að sex eldgos verði í mismunandi fjöllum á komandi tímum, einhver þeirra hafa þegar hafist. Og einhverjum þeirra lýkur áður en önnur fara af stað.

Sendið ljós á þessa staði og hugið að móður náttúru og því sem hún er að gera og hjálpið henni við þá vinnu.

Við stóra jarðskjálfta munu grjóthnullungar brotna og veltast niður fjallshlíðar. Í einu tilfelli verður það þannig að hluti af fjallinu brotnar af og lendir í sjó. Það mun þó ekki sem slíkt hafa þau áhrif sem þú hefur séð fyrir heldur er þetta allt partur af jarðskjálfta sem mun valda því að það brotnar en hann mun einnig koma hreyfingu á hafið og valda flóðbylgju. Hún mun koma á land með miklum krafti og skella á suðausturströnd Bandaríkjanna. Þetta gerist þó ekki strax.

Góðar stundir og sýnið hvort öðru umhyggju og velvilja.

Þór Gunnlaugsson
Heilunar og transmiðill
Er einnig á lækningasviðinu

____________________________________________________

Farið inn á Gestabók, farið neðst á síðuna og skrifið ósk ykkar um að ég leiti eftir svörum við spurningum ykkar frá vinum okkar að handan.

Þetta getur ekki orðið einfaldara að hafa samband við mig. .

GESTABÓK.

Að miðla fróðleik

18.11.2011

Að miðla fróðleik er mikilvægt fyrir okkur sem erum í mínum heimi. Þið á jörðu skiljið ekki alltaf hvað þið eruð að gera eða hvað þið ættuð að vera að gera. Þið gleymið tilganginum ykkar og þó ykkur sé sagt og ykkur leiðbeint þá farið þið svo auðveldlega í sama farið aftur. Þið hafið hannað og búið ykkur til svo mikið af hlutum og efni til að halda huganum uppteknum að þið notið hugann ykkar ekki á þann hátt sem ykkur er og hefur alltaf verið ætlað. Þið lifið í tilbúningi og gerviheimi, þar sem þið látið mata ykkur af upplýsingum og myndum sem eiga sér enga stoð í raunveruleikanum, hvorki í ykkar eigin heimi né öðrum. Þið vaknið á morgnanna og eruð ekki tengd við ykkur sjálf allan daginn, alveg þangað til þið lognist út af á kvöldin án þess að hafa leitt hugann eitt einasta skipti að því hvers vegna þið eruð hér, hvers er ætlast til af ykkur og hvers þið væntið að fá út úr tímanum ykkar, hvers þið væntið að fá frá öðru samfylgdarfólki.

Þið talið um tilviljanir, finnst þær bráðskemmtilegar og brosið. Þið áttið ykkur ekki á að ekki eru alltaf um tilviljanir að ræða þegar það er verið að reyna að sýna ykkur, reyna að vekja ykkur til umhugsunar með því að hjálpa ykkur örlítið. Það eru engar tilviljanir.

Þið sem eruð lengra komin, þið sem hafið fundið ykkar tilgang eða svona hér um bil. Þið verðið að halda áfram og þið finnið það innra með ykkur. Þegar þetta vaknar hjá ykkur þá er það alltaf til staðar, lætur ykkur ekki vera innst inni því þið hafið þörfina á að læra meira, komast lengra, hjálpa meira. Það er hinn sanni tilgangur.

Þið eigið eftir að upplifa tíma sem þið getið ekki ímyndað ykkur. Þið þurfið að vera undirbúin. Þið undirbúið ykkur með því að opna, með því að biðja, með því að tengjast hvort öðru og með því að tengjast þeim í okkar heimi sem eru hér til að hjálpa ykkur. Notið það sem ykkur hefur verið gefið og látið ekkert stoppa ykkur. Egóin ykkar munu reyna, þið munuð efast, þið munuð upplifa eins og þið séuð á rangri braut, þið munuð óttast um álit annarra, þið munuð halda að þetta sé tilgangslaust. Þið munuð upplifa blendnar tilfinningar. En þið munuð líka upplifa gleði, kærleika, sannar tilfinningar, þið munuð upplifa þroska og þið munuð upplifa að verða ríkulega launað. Smátt og smátt og sífellt. Þið fáið umbun fyrir og hún felst í ykkur sjálfum og er tengd því sem þið gerið og starfi ykkar á andlegu sviði. Takið því fagnandi að fá að taka þátt, gleðjist yfir því að geta hjálpað öðrum og nýtið ykkur tækifærið til að vaxa og þroskast.

Eftirsjá mun ekki koma til ykkar, nema þið leyfið henni það frá neikvæðum tilfinningum ykkar sjálfra. Losið ykkur úr viðjum vanans og haldið áfram. Farið á ókunnar slóðir, þenjið ykkur, prófið að gera hluti sem þið hélduð að þið gætuð ekki. Fáið leiðbeiningu og notið þau tengsl sem þið hafið.

Fyrr en varir flæðir að. Jörðin mun skola sig, hreinsa sig. Hún mun hristast og sjálfa, hún mun klofna á stöðum sem hún er heil í dag, hún mun opnast og hún mun rísa. Gjósa og brotna, falla. Svo flæðir. Haldið ykkur í norðri. Ég gef ekki upp staðsetningar. Þið sem eigið að vera á réttum stöðum verðið á þeim. Þið hafið raðast ansi mörg saman á þetta land ykkar sem telst lítið á heimsmælikvarða. Krafturinn og orkan yfir landinu er gífurlegt, krafturinn og orkan í landinu sjálfu, jörðinni er ótrúlegur. Þið hafið tækifæri hér á að magna upp samband og tengingar, nýtið ykkur umhverfi ykkar og hjálpið hvort öðru, magnið upp orkuna með fjöldanum. Finnið hvort annað.

Það þarf að leiða hópinn, það þarf að stýra honum inn á rétta braut og þið þurfið að finna og sameinast um hverjum þið treystið til þess. Það er betra að þið ákveðið það sjálf heldur en að við bendum á einhvern þar sem manneskjur hafa alltaf átt erfitt með að treysta og þá sér í lagi þeim sem líta út fyrir að hafa völd sem þeir hafa skipað sér sjálfir, þó svo að það yrði ekki raunin. Við vitum að þið vandið valið.

Nýtið það að geta beðið í fjöldanum, nýtið að geta hugleitt í fjöldanum. Tengið ykkur saman, þið þurfið ekki að vera stödd á sama stað en gæti hjálpað ykkur að hafa samskipti áður. Tengið ykkur og biðjið. Biðjið fyrir þeim sem þurfa hjálp, biðjið fyrir ykkur sjálfum og hvort öðru og biðjið fyrir Móður Jörð, hjálpið henni að ganga í gegnum þær breytingar sem hún mun ganga í gegnum og þið hafið ákveðið að hjálpa henni, það mun einnig hjálpa fólkinu.

Góðar stundir og sýnið hvort öðru umhyggju og velvilja.

Þór Gunnlaugsson
Heilunar og transmiðill
Er einnig á lækningasviðinu

____________________________________________________

Farið inn á Gestabók, farið neðst á síðuna og skrifið ósk ykkar um að ég leiti eftir svörum við spurningum ykkar frá vinum okkar að handan.

Þetta getur ekki orðið einfaldara að hafa samband við mig. .

GESTABÓK.

Hvað er transheilun ?

Nútíma þjóðfélag býður uppá mikinn hraða þar sem andleg og líkamleg líðan situr á hakanum þar til brestir koma í annað hvort eða bæði kerfin og er viðkomandi einstaklingur þá illa staddur og það jafnvel án þess að gera sér nokkra grein fyrir því fyrr en of seint.

Líkamlegir kvillar geta verið í formi vöðvaverkja víða í stoðkerfinu sem líkja mætti við tannpínu í sumum tilfellum en andlegir geta verið allt frá kvíða, óróleika, óöryggi, svefntruflunum til þess að þunglyndi læðist aftan að viðkomandi.

Heilun er í eðli sínu tenging milli tveggja heima þar sem heilarinn tengir sig við hjálparaðila sína og miðlar heilunarorkunni til sjúklings og notar því aðeins lítið brot af sinni eigin orku til þessarar miðlunar.

Orkuflutningur með þessari tengingu er sér sniðinn af hjálparaðilum fyrir þennan tiltekna sjúkling.

Ekki er um að ræða að heilarinn stjórni orkuflæðinu eða styrkleika þess á nokkurn hátt enda aðeins leiðari.

Ef meðferðaraðili hefur ekki góðar tengingar miðlar hann aðeins sinni eigin orku til sjúklings og situr uppi orkulaus á eftir og getur tekið hann langan tíma að vinna hana upp aftur.

Miðlun / heilun er ekki eitthvað sem sent er til aðila af himnum ofan heldur er þetta meðfæddur eiginleiki grópaður í sálina þar sem hjálpendur að handan koma til aðstoðar við að opna fyrir og aðstoða við þróun eiginleikans sem getur tekið ár og áratugi að þróa svo vel sé.

Oft er það þannig að þegar sjúklingur liggur á bekknum hjá mér (alklæddur) þá koma einhverjir nánir látnir ættingjar með honum til mín og í sumum tilfellum vísað honum leiðina og þá jafnframt vakið athygli mína á brýnni aðstoðarþörf einhvers annars nákomins ættingja og hefur þetta alltaf reynst rétt.

Þessar upplýsingar og önnur góð ráð frá þeim læt ég vita um eftir meðferð þar sem slík skilaboð koma á lægri tíðni til mín en ég vinn á og bíð með úrvinnslu þar til eftir meðferð þar sem það dregur úr orkuflæðinu að skoða málið strax.

Ég hef engin afskipti af yfirstandandi lækningum / lyfjagjöf viðkomandi enda ekki á mínu færi að gera slíkt, né ráðlegg ég fólki um lyfjagjöf.

Með von um að sjá sem flesta sem þurfa aðstoð.

Góðar stundir og sýnið hvort öðru umhyggju og velvilja.

Þór Gunnlaugsson
Heilunar og transmiðill

Er einnig á lækningasviðinu

____________________________________________________

Farið inn á Gestabók, farið neðst á síðuna og skrifið ósk ykkar um að ég leiti eftir svörum við spurningum ykkar frá vinum okkar að handan.

Þetta getur ekki orðið einfaldara að hafa samband við mig. .

GESTABÓK.