1. Hvað á ég að gera við þær upplýsingar sem þú gefur mér sem varða ekki einungis mig, heldur okkur öll?
Við förum og svífum yfir hafið og fjöllin og þú munt fá að sjá ýmislegt sem ég tel að þú þurfir að sjá og þurfir að upplifa til að ná að þroska þig. Þú getur ekki tekið aðra með þér í sýnirnar en þú getur lýst þeim ef þú telur að það gagnist öðrum þá endilega gera það.
Ég mun ekki koma til með að segja þér hvernig þú átt að segja frá þessu, þú velur þær leiðir sem þér finnst árangursríkastar.
Það er ekki spurning um að ná til sem flestra heldur að ná til rétta hópsins, fólks sem les eða hlustar og meðtekur það sem þú segir. Það þjónar litlum tilgangi að breiða út boðskap til þeirra sem eru ekki móttækilegir fyrir honum og afskrifa allt sem þeir heyra og sjá áður en þeir vita um hvað er verið að tala.
Þó er gott að geta náð til sem flestra af þeim hópi sem ætti þá að vera hópurinn sem hefur áhuga á þessum málefnum sem við erum að fara yfir. Best er að kynna fyrir hinum í litlum skrefum, því þeir geta ekki meðtekið heildarmyndina strax.
2. Geturðu sagt mér eitthvað um mín fyrri líf? Gefið mér lýsingu á þeim?
Við skulum fara til baka saman og finna hvað þú tengir þig við. Ég sýni þér hér sandinn og húsin sem eru í sandumhverfinu.
Hér erum við að skoða blóma lífs þíns, blóma lífs í einu af þínum lífum er þú lifðir sem maður í Mið-Evrópu þar sem var mikill gróður i kringum þig. Þú gekkst á fjöll og naust þess að vera úti í náttúrunni við að týna alls kyns grös og nota þau í lyfjagerð.
Asía 1299, erfitt lífsskeið sem þú gætir þurft að reyna að fara yfir til að ná að opna betri tengingar við þann lærdóm sem þú lærðir þá þarna í því lífi sem þú þruftir að þjást mikið og varst ekki móttækileg fyrir þeim lærdómi sem þér var sendur þá.
Sálin hefur tekið mikið vaxtarstökk á þeim tíma síðan en þú hefur aldrei spurt réttu spruninganna varðandi þetta líf þitt og er kominn tími til að fara betur yfir það sem gerðist þar.
sýnir mínar: Hér sé ég miklar sýnir þegar hann fer með mér yfir þetta. Fyrst sé ég eins og eyðimerkur landslag þegar hann talar um sandinn og hús sem eru byggð sennilega einhvers staðar í Afríku eða Arabalöndum þar sem húsin eru ljós og svona ljós sandlitur er áberandi bæði á jarðvegi og húsunum. Ég sé fólk ganga um en enginn þeirra sér mig.
Ég fæ að sjá sjálfa mig, er dökk yfirlitum og ég er að elda mat með einhverjum kryddjurtum. Kryddlyktin er áberandi. Ég sé að fólkið er klætt svipað og leiðbeinandi minn, berleggjað í sandölum og einhvers konar mussum eða kjólum.
Næst sé ég blómstrandi runna og mikinn gróður. Ég sé fjöll sem minna á Alpana og finn mikið ferskt og hreint loft en samt er ekki kaldur andardrátturinn.
Því næst er farið með mig til Asíu og mér finnst það hálf erfitt enda hef ég ekki góða tilfinningu fyrir Asíu yfirleitt og langar alls ekkert að fara þangað. Ég sé kínverskar konur sem eru með uppsett hár. Ég er stödd í kuldalegri byggingu úr gráum stein.
3. Hvað geturðu sagt mér um plánetuna Elenin eða loftsteina? Erum við á jörðinni í hættu vegna þeirra?
4. Hvað geturðu sagt mér um pólskipti jarðar? Hvaða áhrif munu þau hafa?
Rykský og erfiðleikar er það sem ég hef að segja varðandi þessa stjörnu og steina. Jörin verður aldrei söm og mikið mannfall verður. Líf mun ekki strokast út en líf eins og þið þekkið það mun kollvarpast og breytast mikið. Farið verður aftur til frummannsins nánast varðandi fæðuöflun og lifnaðarhætti sem snerta fæðu.
Þó munuð þið geta tekið með ykkur hluta þess tíma sem þið þekkið og búið að þeirri þekkingu sem er til staðar í dag.
Við skulum skoða það að það þarf að hjálpa sem flestum að skilja hvað lífið er og hver boðskapur þeirra lífa er, þannig að þeir nái að þroskast sem mest þegar þessi tími genugr í garð.
Ég sé ekki árið tvöþúsund og tólf frekar en annað ár en ég mun ekki gefa ykkur dagsetningu á þessum hamförum. Það eina sem ég get sagt ykkur er að það er óumflýjanlegt að hlutirnir breytist og þið vitið það mörg og bíðið í raun eftir hamförunum.
Ekki bíða eftir þeim, lifið lífunu ykkar og verið hamingjusöm. Ótti er aldrei af hinu góða og gerir ekkert annað en að hindra ykkur í þeim farvegi sem þið hafið valið ykkur að fara.
Leyfið lífinu að halda áfram, gerið það sem ykkur langar og ekki hugsa um framtíðina of mikið því lífið er núna og þið þurfið að læra að lifa í nútíðinni og hætta að velta ykkur upp úr fortíð og framtíð.
Framtíðin er breytileg ekkert er alveg öruggt og margt getur haft áhrif þar á. Þó er hægt að segja hlutina með ákveðnum líkindum. Best er að lifa daginn í dag og lifa alla daga á meðan þeir eru, ekki fara á undan og ekki vera á eftir. Þá missirðu af því sem lífið er að kenna þér í nútímanum og það er það sem mestu máli skiptir að fara yfir tilfinningarnar eins og þær eru í dag en ekki eins og þær voru í fortíðinni því fólk þroskast og þróast og upplifir nýja hluti á hverjum degi og því er ekki rétt að horfa til hvernig tilfinningar voru hér áður fyrr, áður en þú varst búin að þroskast og ná að draga lærdóm af hlutum í millitíðinni.
Hafið ekki áhyggjur af hamförum jarðarinnar, þær eru óumflýjanlegar en við skulum vera róleg og sjá hvernig hlutirnir þróast og hvenær það mun gerast.
Heilagur Frans af Assissi kom með mikla visku til jarðarbúa og gott er að skoða það sem frá honum kom því það getur hjálðað mörgum að lesa það sem hann sagði og opnar fyrir ákveðinn skilning. Meðtakið það sem ykkur er sagt, meðtakið fræðslu og meðtakið það sem þið finnið og hættið að lifa í svona rosalega mikilli rökhugsun því þið takmarkið ykkur sjálf með þessari kassahugsun sem á sér stað.
Þið þurfið ekki að hafa áhyggjur af þessum litlu sem þið eigið. Þeir eru mjög sérstakir og hafa verið sendir til ykkar.
Þið farið inn á þessa braut á hárréttum tíma og þið munuð einna helst ná að taka þá með ykkur og leiðbeina þeim inn á þessar slóðir því þar eiga þeir heima.
Ykkar hlutverk er að koma þeim til manns og halda þeim inni á réttum brautum og hjálpa þeim að mynda sem nánasta samband sem hægt er.
Farðu vel með upplýsingarnar, geymdu þær því þú munt ekki muna þær. Geymdu þær til að lesa þær síðar þegar þær eru ekki svona ferskar í minni eins og þær eru eftir að ég birti þær yfir þér.
Mundu sýnir mínar og vertu dugleg að gera eins og þú veist að þú átt að gera farðu nú að borða rétt og haltu áfram.
Þið eruð á réttri leið og leiðin mun skýrast þegar frá líða stundir, þegar nær dregur. Ég mun láta þig vita ef þú ferð á villigötur og geri það sem í mínu valdi stendur til að ná til þín ef þú ert að breyta rangt.
Þú munt ná sambandi við fleiri en mig og geta víkkað út sjóndeildarhringinn þinn til að læra að boða út það sem þú þarft að kenna fólki þegar tíminn er réttur.
Þór er á hárréttum stað í lífinu, hann er á hárréttum stað. Sál hans er gömul og þroski hans er mikill, öflugar eru tengingar og hann hefur marga góða með sér í því sem hann er að gera.
Hans hlutverk er að hjálpa og gefa ljós og hann ber ljósið út meðal manna. Hann mun líka taka að sér að kenna fleirum og er mikilvægt að hann haldi því áfram því hann er með öflugar og hreinar tengingar.
Treystu honum og haltu áfram að fylgja honum, hann getur farið með þig langt og ég leiddi þig til hans af ástæðu. Hann er líka góður vinur og mundu það.
Varðandi leiðbeinendurnar sem ég ræddi um í gær þá er ég að meina fólk sem hefur hærri tíðni en venjulegt er á ykkar jörðu, fólk sem getur átt samskipti við æðri verur sem geta leiðbeint betur þegar kemur að því að þið þurfið frekar á því að halda að fara dýpra og betur í hlutina og þá þarf að hafa manneskjur sem geta tekið á sig að útskýra, að heila að hjálpa að kenna og hugga þá sem þurfa á að halda.
Orkan sést ekki eingöngu á breytingum jarðar heldur sést hún á breytingum dýra hegðunar, breytingum tilfinninga manna og breytinga í hugsun hjá ansi mörgum. Þið farið inn í hærri orkusvið og það er verið að lyfta ykkur upp. Ekki allir sem þola það þó en margir þola það.
Margir þola það en geta samt ekki höndlað það sjálfir og óstuddir og því er þörf á að safna sem flestum ljósberum saman til að þið getið hjálpað, þið verðið að taka ykkur það verkefni og finna það í hjörtum ykkar að þið hafið þá kölllun að hjálpa lífinu að halda áfram.
Ég segi lífinu því þið hjálpið jú ekki bara fólki heldur einnig öðrum lífverum og jörðinni sjálfri. Þið vitið þegar tíminn er kominn og finnið kallið en þið vitið líka að tíminn er mikilvægur núna og notið hann vel til að styrkja ykkur og láta ykkru líða vel svo þið komið sem best út úr þessu.
Varðandi þennan hring þá fer hann tákn um hreinleika, ódauðleika og skuldbindingu við hið æðra. Þú hefur valið þér mikilvægt verkefni og þú fylgir þínum ljósvegi vel og ferð eftir þinni braut.
Ég sé hreina og hvíta orku, hreina kristsorku í kringum þig og þú hefur farið á slóðir sem ekki margir menn hafa farið og fengið að upplifa hluti sem gefa þér meira en nokkur orð fá lýst.
Það er ástæða fyrir því að þú et færður inn á þetta hærra plan og færð að fara svona hátt með , hrein orka og hreint hjarta, hrein hugsun. Þú hefur hæfileika til að leiða, hæfileika til að kenna og hæfileika til að hjálpa, það hafa ekki allir þessa blöndu í sér sem þú hefur enda ertu langt kominn en munt ná enn lengra og verður það yndisleg reysla sem mun kenna þér meira en þú kannt nú þegar.
Þú hefur gott fylgilið, þeir sem vinna með þér eru kröftugir enda ekki vanþörf á því að þú hafir sterkar og ómengaðar tengingar við þá þegar þitt hlutverk er að bera út ljósið, bera út kærleikann og hjálpa öllum þeim sem þurfa á að halda.
Ég fer enn og aftur með þig í kirkjuna, dásamlegt að sjá orkuhjúpinn myndast þar fyrir ofan, nær langt út fyrir bygginguna og út til hiðanna og upp í himinn. Það koma svo margir að sem eiga erfitt með það en þarna geta þeir komið og þú hjálpar bæði þeim sem eru ykkar megin og hérna megin.
Þú munt þurfa að staðfesta trúna í hjartanu þínu og efla sjálfan þig enn frekar, hafðu ekki áhyggjur af neinu, þetta kemur til þín eins og áður og þú færð að vita meira þegar tíminn kemur.
Góðar stundir og sýnið hvort öðru umhyggju og velvilja.
Þór Gunnlaugsson
Heilunar og transmiðill
Er einnig á lækningasviðinu
____________________________________________________
Þetta getur ekki orðið einfaldara að hafa samband við mig. .
