Leynifundur með þeim.

Haldin var fremur stuttur fundur nú í morgunsárið um Kl.05.00 og þá ákveðið að fara með mig úr ytri líkama og leyfa mér að nota eigin augu til að sjá það sem fyrir ber, og hvað sé að fara að ské í heiminum.

Fyrst af öllu verður algert hrun á öllum pappirsmörkuðum, þar sem innistæður eru ekki fyrir hendi eða verðmæti til að styðja við bakið á skulda og hlutabréfum.

Refskák Yelen seðlabankastjóra USA mun koma harðast niður á heimilum þar sem öll greiðslukort eru full nýtt, en greitt inn á pr. mánuð ásamt vöxtum, en höfuðstóll skuldar nánast óhreyfður sem eru í dag svo háir að þetta sligar heimilin.

Brasilía er á barmi borgarastyrjaldar vegna þjóðarskulda og er gjaldþrota um leið og Ísrael hefur tekið öryggisloka af öllum kjarnorkuflaugum sínum og bein að Írak, sem er óþarfi þar sem ein nægir til að jafna allt við jörðu, og blanda saman eitrinu sem þar finnst neðanjarðar við sprenginguna og gerir það að verkum, verði hleypt af mun geislavirkni mælast um allan heim.

Ísrael dæmir sig sjálft úr leik vegna geislunnar, en þeir telja sig hafa 100% sannanir fyrir því að þrjár sprengjur séu tilbúnar í Íran, en ekki bóli á byggingu orkuvers til rafmagnsframleiðslu eins og samið var um.

Spilling hefur grasserað það mikið hjá hinum vestræna heimi, að Frímúrarar hafa varað sína menn við grimmilegum örlögum séu þeir þáttakendur í slíku athæfi og boð látin ganga um heim allan.

Ég bað um að fá aftur að heimsækja Nostradamus þegar hann var uppi, og komum við að litlum kastala í ókunnu ríki en þó með miklu af pálmatrjám að sjá, og situr meistarinn þar við borð án skotthúfu og virðist niðursokkinn í útreikninga, og sýnist mér á einu blaði talað um ártalið 1632 en annað sem hann skrifar get ég ekki lesið Franska, Ítalska eða annað tungumál sem ég kann ekki og hef ekki túlk með í þetta sinn.

Svipbrigði hans lýsa í senn hryggð og angist yfir innihaldi bréfanna sem boða varla nokkuð gott, en í öðru herbergi á jarðhæð kastalans er kunnugt rautt merki, kross áberandi stór og var farið þar inn.

Þá tek ég eftir því að hempa er komin um axlir mér purpurra rauð með stjörnumerkjum og litlum rauðum krossum upp eftir báðum ermum, og efst við silfur krækjur fyrir keypinn / skykkjuna með kross merkinu á í stað hnappa.

Þarna er ég leiddur inn að altari, og þegar ég horfi niður er eins og ég gangi í lofti alheimsins ekkert gólf að sjá en altari og skemill þar fyrir framan.

Þá heyrast kunnulegar kyrjanir á báðum hliðarvængjum sem hreyfa við áru minni þannig að hún tifar af gleði rétt eins og hún sé komin heim aftur að loknu þessu æviskeiði?

Kyrjararnir eru allir í brúnum munkakuflum með hettum sem hylja andlit og fjórir Kyrjarar sitja í skeifulaga altarinu, hver með sinn lit á hempum og merkin eru ekki eins.

Fuglsmerki Svölunnar eru á hempu eins þeirra sem ég kannast við sem meistari Maha Cohan en það var eins og komið væri að heimferð og ekki ætti að sýna mér meira að þessu sinni og því ekki muna nákvæmlega síðasta hlutann.

En síðan fer eitthvað að gerast þannig að ég eiginlega svíf áfram í móki og ranka við mér aftur heima í stofu þungt hugsi yfir því sem ég man og set hér á blað.

Hvað þýðir þetta allt? Erum við virkilega komin fram á bjargbrúnina með notkun gereyðingarvopna, og þá í hvaða tilgangi því allt svæðið verður óbyggilegt í 200 ár hið minnsta.

Góðar stundir og sýnið hvort öðru umhyggju og velvilja.

Þór Gunnlaugsson
Heilunar og transmiðill
Er einnig á lækningasviðinu

____________________________________________________

Farið inn á Gestabók, farið neðst á síðuna og skrifið ósk ykkar um að ég leiti eftir svörum við spurningum ykkar frá vinum okkar að handan.

Þetta getur ekki orðið einfaldara að hafa samband við mig. .

GESTABÓK.